Internews «Деректі кино. Қысқа метр» мектебін бірігіп ұйымдастыруға серіктес іздейді

0
153

Internews «Деректі кино. Қысқа метр» мектебін бірігіп ұйымдастыратын серіктес іздейді.

2022 жылғы қаңтарда аймақтық «Деректі кино мектебін» бастаймыз. Осы мектепке Қазақстан, Тәжікстан және Өзбекстаннан қатысушылар шығармашылық идеясын жүзеге асыруға мүмкіндік алып, қысқа деректі фильм (хронометражы 5-20 минут) түсіреді.

Деректі кино студияларын, продакшен-студиялар, медиакомпаниялар мен қоғамдық ұйымдарды оқыту процесін ұйымдастыру және іске асыру үшін серіктестікке шақырамыз.

Серіктестер Қазақстан, Тәжікстан және Өзбекстаннан таңдалады. Оларды конкурста өтініштеріне қарап іріктейді. Серіктестер өз елінде Деректі кино мектебінің жұмысын Internews ұйымымен бірігіп ұйымдастыруға қаржылай қолдау алады.

Мектептің оқыту бағдарламасын Internews сарапшылары, серіктестер мен тренерлер  бірігіп дайындайды.

Internews серіктестерді іріктегенде мына критерийлерге сүйенеді:

  • Оқыту және оқытудан кейін қатысушыларға тәлімгерлік ету процессін сапалы ұйымдастыратын кәсіби әрі тәжірибелі команда;
  • Аймақтағы деректі кино саласының тренерлерін, сарапшылар мен ,жұлдыздарын тарту үшін олармен байланыстарының болуы;
  • Сапалы видеоконтент жасау және таныту-тарату процесстерін түсіне білуі. Аймағыңыздағы деректі кино саласынан хабардар болуы. Қазақ (тәжік, өзбек) тілін білуі.

Егер серіктестер бұған дейін басқа елдерде деректі кино өндірісі машығын оқып-үйренсе, онда бұл артықшылық береді.

«Деректі кино. Қысқа метр» мектебінде оқу онлайн және офлайн өтеді. Әр елден 1-3 адамнан тұратын 3-5 команда жиналады. Мектеп қатысушылары онлайн оқу барысында түрлі елден шақырылған тренерлер, жұлдыздар, сарапшылардың дәрісін тыңдап, олармен танысып, әңгімелеседі (ұлт тілдеріне аударма жасалады). Содан кейін командаларға ұлт тілдерінде офлайн оқу болады. Оқыту процессінен кейін қатысушы-командалар хронометражы 5-20 минут дайын фильмдерін ұсынады. Серіктестердің тағы бір міндеті — қатысушылар жұмысын бітіргенше оларға қажет тәлімгерлікті қамтамасыз ету.

Іріктеу конкурсына қатысу үшін онлайн-өтінішті толтырасыз.

Өтініштер 2021 жылғы 7 қарашаға дейін қабылданады.
Іріктеу нәтижесі 2021 жылғы 14 қарашадан кешіктірілмей хабарланады.

Қандай да бір сұрақ туындаса, [email protected] org эл. поштасына хат жазыңыз.

Бұл жоба АҚШ Халықаралық даму агенттігінің (USAID) қолдауымен Орталық Азияның MediaCAMP бағдарламасы аясында жүзеге асады.