Орталық Азиядағы Internews өкілдігі деректі фильм түсіруді қаржылай қолдауға арналған «DOC формат» байқауын жариялады.
Төрт жылдан бері контент өндірісіне қолдау көрсетеміз және байқасаңыз: деректі фильм форматына қызығушылық жылдан жылға артып келеді. Байқауларға келіп түскен өтініштердің көбі, яғни әр елден жүзден астам өтініш видеоконтент жасау идеясын ұсынады. Авторлардың көбі деректі фильм түсіргісі келеді.
Биыл қазақ, тәжік, өзбек және/немесе орыс тілдерінде түрлі қоғамдық тақырыптарда деректі фильм түсіруді қолдау үшін «DOC формат» деген бөлек байқау өткіземіз.
«DOC формат» байқауына мемлекеттік емес медиа (онлайн басылымдар, сайты бар газет-журналдар, телерадиокомпаниялар), продакшен-студиялар, тәуелсіз авторлар тобы және Қазақстан, Тәжікстан, Өзбекстан документалистері қатыса алады.
Негізгі критерий — түсірілетін фильмнің пысықталған идеясы болуы керек. Өтініш толтырғанда идеяңызды қысқа да нұсқа жазыңыз. Тизері, синопсисі немесе сценарий жоспары, құрал-жабдық, деректі фильм не көлемді видеорепортаж жасау тәжірибесінің болуы басымдық береді.
Назар аударыңыз! Деректі фильмнен басқа форматтағы, мейлі ол видеоформат болса, контент жасау идеялары қабылданбайды. Бұл байқау жұмыс істеп келе жатқан медиа және кәсіби авторларға арналған. Жұмысын енді бастаған командаларға (мұндай жоба жасау бойынша бір жылдық тәжірибесі жоқ) «Шағын грант» байқауына қатысып, шамасын байқап көруді ұсынамыз. «Шағын грант» байқауы 2022 жылғы ақпанда басталады.
Қазақстан мен Тәжікстаннан өтініш берушілердің заңды тұлға (ЖШС, ЖК, қоғамдық қор немесе басқа) нысаны болуы міндетті. Өзбекстаннан жеке тұлғалар да өтініш бере алады.
Internews қолдауын алсаңыз, идеядан бастап контент жариялауға дейін созылатын тұтас процессті жоба деп атаймыз. «DOC формат» аясындағы жобаны орындау мерзімі 6 айдан 12 айға дейін жалғасады. Осы уақыт ішінде дайын фильмді онлайн-платформада жариялап, эфирден беріп не басқа да платформада көрерменге көрсету міндетті.
«DOC формат» аясында бір жоба мына сомаға дейін қаржылай қолдау ала алады:
- Қазақстанда 10 миллион теңгеге дейін,
- Тәжікстанда 16 600 долларға дейін,
- Өзбекстанда 5 000 долларға дейін.
Мәлімделген бюджет нақты және негізделген болуы керек.
«DOC формат» байқауы төрт кезеңнен тұрады:
1 тур — идеялар ұсыну
Байқауға қатысу үшін онлайн-өтінішті толтырыңыз (Gmail поштаңыз болуы керек):
Идеяңызды, кейіпкерлерді, тақырыптың өзектілігі мен маңыздылығын, мақсатты аудиторияңызды сипаттап, бюджет жоспарын тіркеңіз (бюджет жоспарының үлгісін мына сілтемеге өтіп, жүктеп алуға болады, бұл сілтеме сауалнаманың ішінде де бар).
Жобаңызды конкурсқа жіберу үшін 2022 жылғы 10 ақпан, сағат 23:59-ға дейін онлайн өтінішті толтыру қажет.
2 тур — техникалық іріктеу
Келіп түскен өтініштерді Internews ұжымы техникалық іріктеуден өткізеді. Әр жоба байқаудың критерийлеріне сай қаралады. Ең қызық әрі жақсы пысықталған идеялар келесі кезеңге өтеді. Қысқа тізім ақпанның ортасына қарай дайын болады.
Ескерту: Қысқа тізімге өткен идея авторлары Internews ұйымдастыратын Деректі кино-2022 мектебінің ерікті тыңдаушылары бола алады.
3 тур — идеяларды таныстыру (питчинг) және қазылар алқасының таңдауы
Іріктелген жоба авторлары арнайы онлайн питчинг-сессияға шақырылады (шамамен 2022 жылғы ақпан соңы мен наурыз басында өтеді). Идеясын кез келген формада таныстыруына 10-15 минут уақыт беріледі.
Оларды тәуелсіз медиа-сарапшылар, документалистер, Деректі кино мектебінің тренерлері мен Internews қызметкерлерінен жасақталған арнайы байқау комиссиясы тыңдайды. Презентациядан кейін комиссия мүшелері нақтылау сұрақтарын қоюы мүмкін, жоба идеясын жақсартатын ұсыныстар айта алады. Байқау комиссиясы қандай да бір шығындарды негізсіз деп тапса, бюджетін қайта пысықтауды ұсынуы мүмкін.
Питчинг-сессияға Деректі кино мектебінде оқитындар да қатысады. Оларға бір орын квота қарастырылған. «DOC формат» байқауында әр елден кемі үш жобаға көрсетуді жоспарлап отырмыз.
4 тур — жобаларды пысықтау және қолдау
Байқау жеңімпаздарының есімі 2022 жылғы наурызда жарияланады. Содан кейін проект авторларына жобаны пысықтап, бюджетін жасап және қажет құжаттарын ресімдеуге 2 апта уақыт беріледі.
Маңызды қосымша ақпарат: «DOC формат» жобалары есептілік өткізеді. Қалай есеп тапсыруды идеясы қысқа тізімге ілінген өтініш берушілерге егжей-тегжейлі түсіндіреміз.
Internews контент өндірісін неліктен қаржыландырады? Медиа заманауи технологияларды қолданып, аудиторияны қатыстыра отырып, ел өмірінің ең өзекті қырларын, мәселелері, жетістіктері мен кейіпкерлері туралы кәсіби тұрғыда әңгімелегенін, баяндағанын қалаймыз. Сондықтан да контент өндірісіне төрт жылдан бері қолдау көрсетіп келеміз. Осы уақыт ішінде медиа, редакциялар, блогерлер, тәуелсіз журналистер 173 жоба жасады. Бұл дегеніңіз — 4000-нан астам материал (мақалалар, лонгридтер, подкасттар, уеб-сериалдар, деректі фильмдер және т. б.). Ал материалдардың жалпы қаралым, көрілім, тыңдалым, оқылым саны 40 миллионнан асты.
Қандай да бір қосымша нақтылайтын сұрағыңыз болса, Central-Asia-Applications@internews.org эл.поштасына хат жазыңыз. Хат тақырыбына «»DOC формат» байқауы бойынша сұрақ» деп көрсетіңіз.
Жоба АҚШ Халықаралық даму агенттігінің (USAID) қолдауымен Орталық Азияның MediaCAMP бағдарламасы аясында жүзеге асады.
