Қазақстандағы Internews өкілдігінің «Азаматтық журналистер» жобасына алты медиа серіктес болып отыр. Олар 2021 жылы бағдарламаға қатысатын азаматтық журналистер іздеп жатыр.
Бұл жоба журналистика мамандығын оқымаған, журналистика саласында жұмыс істемеген, бірақ қазақстандық медиада маңызды да пайдалы әрі қызық оқиғалар туралы хабар таратқысы келетін адамдарға арналған.
Бағдарлама аясында оқыту және қаламақы төлеу қарастырылған.
Егер Қазақстандағы азаматтық журналистер қауымдастығының бір бөлшегіне айналуды қаласаңыз, онда мына алты медианың сайтына өтіп, онлайн-өтінішті толтырыңыз (бір не бірнеше БАҚ-пен әріптестік орнатуға болады):
- Minber АА авторы болу;
- Петропавловск.news командасында жұмыс істеу;
- Қостанай облысындағы «Наша газета» апталығы бетінде материал жариялау;
- “Қазақстан жастар ақпарат қызметі” қоғамдық қоры, “Семей қалалық жас журналистер қауымдастығы” қоғамдық бірлестігі, “Семей айнасы” ақпарат агенттігінің редакциясынан құралған ұйымдар коалициясына қосылу;
- Diapazon.kz азаматтық журналисі атану;
- InAlmaty.kz порталында азаматтық журналист ретінде ақпарат тарату;
Бұл жоба АҚШ Халықаралық даму агенттігінің (USAID) қолдауымен «MediaCAMP – Орталық Азия бағдарламасы» аясында жүзеге асады.
