ОқиғаларInternews журналистер мен блогерлерді «Тең құқық — 2023» онлайн-фестиваліне қатысуға шақырады

Internews журналистер мен блогерлерді «Тең құқық — 2023» онлайн-фестиваліне қатысуға шақырады

Құрметті журналистер, блогерлер мен медиа саласының өкілдері! Сізді «Тең құқық —  2023» онлайн-фестиваліне қатысуға шақырамыз. Фестиваль 27-30 наурыз аралығында күн сайын сағат 16:00-де басталып, 19:00-де аяқталады. 

Уақыт өткен сайын әлем өзгеріп, гуманитарлық және этикалық құндылықтардың маңыздылығы мен шын мәнін сезініп жатырмыз. Адамгершілік қадір-қасиет, тең құқық пен бәріне бірдей мүмкіндік, жынысына, дініне, экономикалық хал-ахуалына, ұлты мен нәсіліне қарамастан бірін бірі құрметтеу – міне, мұның барлығы кез келген саналы әрі кемел тұлғаға тән негізгі принциптер.

Журналистер мен пікір көшбасшылары тарататын идеяларды жұртшылық өзіне бағыт-бағдар етіп алады. Кімбіз, бақытты да гүлденген қоғамды қалай құрамыз, деген сияқты сұрақтарға жауап іздегенде сол идеяларға сүйенеді. Сондықтан да сізді вебинарға шақырамыз. Сарапшыларымыз жоғарыда айтқан тақырыптар жөнінде сөйлейді.

Кездесу сериясы мына тақырыптарға арналып отыр:

  1. Гендер тақырыбын медиа мен әлеуметтік желіде қалай жазамыз: егер журналист гендерлік теңдік және әйелдер мен қыз балаларға зорлық-зомбылық мәселесі туралы жазса, онда мұндай тақырыптарды жазудың этикалық талабы қандай?
  2. БАҚ пен әлеуметтік желілерде ерекше жандар туралы ақпарат тарату: сөзді дұрыс қолдану, мәтін дәлдігі ерекше жандардың қоғамдық процесстерге мейлінше етене араласуына қалай әсер етеді?
  3. Қазақ тіліндегі медиа мен пабликтердегі тіл этикасы мен сезімтал тақырыптар: қазақ тілі заман талабына сай қалай өзгеріп жатыр, әрбір айтқан сөзімізге жауапкершілік сезіне білуді неліктен дамытуымыз керек?

Лекция тақырыптары мен вебинарда сөйлейтін сарапшылар туралы көбірек мағлұмат білгіңіз келсе, толыққанды жоспарды қарап, танысуға болады.

Материал кейіпкерлерінің құқығын бұзбай, сезімтал тақырыптарда жазу, дереккөз құпиялылығын қорғау, зорлық-зомбылыққа ұшыраған немесе әскери қақтығыс ауыртпалығын басынан өткерген адамдармен сөйлесу және тағы басқа да өмірлік мәнге ие тақырып жөнінде ақпарат таратқанда кәсіби этиканы сақтаудың маңыздылығын екенін талқылаймыз.

Сессия қазақ және орыс тілдерінде өтеді, синхрон аударма жасалады.

Сізді 2023 жылғы 27-30 наурызда өтетін «Тең құқық» онлайн-фестивалінде күтеміз! мына сілтемеге өтіп, тіркеле қалыңыз.

онлайн-фестивальге тіркелу

Онлайн-фестивальге қатысудың екі жолын ұсынамыз:

  1. Тіркеліп, пре-тест өтіп, барлық уоркшопқа қатысасыз. Вебинар соңында пост-тест сұрақтарына жауап бересіз. Осы жолды таңдасаңыз, онда курсты сәтті аяқтағаныңыз туралы Internews сертификатын аласыз.
  2. Кәсіби қызығушылығыңызға қарай бір не бірнеше лекцияны таңдап, сол лекцияларды тыңдауға да болдады. Осы жолды таңдасаңыз, онда сертификат берілмейді, бірақ мықты әрі дайын маман ретінде дамуыңызға себі тиер пайдалы білім аласыз.

Қандай да бір сұрағыңыз бар ма?
Онда kz-info@internews.org эл.поштамызға жазып, сұрай қалыңыз. Жауап береміз.

«Тең құқық — 2023» онлайн-фестивалі АҚШ Халықаралық даму агенттігінің (USAID) қолдауымен Орталық Азияның MediaCAMP бағдарламасы аясында өтеді.

ПОХОЖИЕ МАТЕРИАЛЫ

LEAVE A REPLY

Please enter your comment!
Please enter your name here

spot_img

Популярные статьи